Helse- og oppvekstfag

Er du omsorgsfull og flink til å kommunisere? Ynskjer du å arbeide med menneske i ulike aldersgrupper og livssituasjoner? Då kan Helse- og oppvekstfag vere noko for akkurat deg! Denne skuleretninga representerer viktige tradisjonar og verdiar på omsorgsfeltet som gjelder fysiske, psykiske og sosiale behov hos menneske gjennom heile livsløpet.

Vi tek sikte på å utdanne deg til å arbeide i helse- og sosialsektoren, i sjukehus og på sjukeheimar, på lækjar og tannlækjarkontor, heimebaserte tenester eller arbeid med born og ungdom. Kommunikasjon og respekt for alle grupper menneske er naudsynte eigenskapar innan våre yrker.

Du lærer

om helsefremjande arbeid
om fysisk og psykisk helse
om korleis kroppen er bygd opp
om kommunikasjon og samhandling
om utviklinga til barn og unge
om kost, ernæring og hygiene

Du bør vere

omsorgsfull og omsynsfull overfor menneske
flink til å kommunisere
god til å samhandle med andre

Du kan bli

helsefagarbeidar, ambulansearbeidar eller portør
aktivitør eller eller barne- og ungdomsarbeidar
apotekteknikar, helsesekretær eller tannhelsesekretær
hudpleiar, fotterapeut eller ortopediteknikar
Sjå alle yrke og kompetansar

Arbeidsstader

sjukehus, sjukeheim eller heimeteneste
barnehagar eller skolefritidsordningar
apotek, tannlege- eller legekontor
fot- eller hudpleiesalongar

Vidare utdanning

Yrkesfagleg opplæring fører fram til yrkeskompetanse (med eller utan fag- eller sveinebrev). Etter fullført yrkesfagleg opplæring kan du gå ut i arbeid eller ta vidare utdanning:

Du kan ta vidare utdanning på fagskole. Ei fagskoleutdanning er ei kort og yrkesretta vidareutdanning som er berekna på dei som har gått yrkesfag.
Du kan ta Vg3 påbygging til generell studiekompetanse
- etter Vg2 eller
- etter oppnådd yrkeskompetanse
Då har du moglegheit til å ta høgare utdanning ved høgskole eller universitet. Hugs at nokre studium, f.eks. ingeniør-, realfags- og medisinske studium, føreset at du har visse realfag.
Du kan også søkje opptak til høgare utdanning etter forkurs eller gjennom Y-vegen, yrkesfagleg veg til høgare utdanning. Y-vegen er berekna på deg som har relevant yrkeskompetanse. Forkurs og Y-vegen er vanlegast innan realfags- og ingeniørstudium.

Utdanningsval ved Ørsta vidaregåande skule:

VG1 Helse- og oppvekstfag

Opplæringa i VG1 lærer deg om helsefremjande arbeid, livstilssjukdommar, skadar og lidingar. Det blir lagt vekt på born og unges utvikling, og som elev lærar du også om kost, ernæring og hygiene. Gjennom læring på VG1 vil ein kunne få utvikle seg på både kommunikasjon og sosial kompetanse, som kjem til nyttes for resten av livet ditt.

Etter VG1 Helse- og oppvekstfag kan du gjere følgjande val ved vår skule:

VG2-programfag

VG2 Barne- og ungdomsarbeidar
VG2 Helsearbeidarfag
VG2 Helseservicefag

Mangfald av yrker

Den som vél slik utdanning, må ha interesse for medmenneske og vere samarbeidsvillig. Kommunikasjon vil vere ein viktig kompetanse.

Etter fullført VG2 Barne- og ungdomsarbeidar kan du søkje om læretid i bedrift og ta fagbrev. Arbeidsområda kan vere mellom anna assistent i barnehage, skule, SFO og fritidsklubbar.

Etter fullført VG2 Helsearbeidarfag kan du og søkje om læretid ved ulike helseinstitusjonar og ta fagbrev.

Som alternativ til lærekontrakt etter VG2 kan du skaffe deg studiekompetanse og ta høgskuleutdanning innan fleire av desse fagområda. Til dømes kan du gjennom høgskulestudier og utdanne deg til sjukepleiar, lærar eller førskulelærar.

Kontakt

Anne-Marit Bae

Fagleder

E-post

Telefon 71 28 24 03