Bygg- og anleggsteknikk

Du lærer

• produksjon og oppføring av nye bygningar og anlegg
• ombygging og vedlikehald av bygningar og anlegg
• om klima og teknologi
• om bruk av teikningar, skildringar og utrekningar
• om kvalitet og tryggleik
• materialkunnskap

Du bør vere

• praktisk og ha godt handlag
• sjølvstendig og nøyaktig
• god til å samarbeide

Du kan bli

• veg- og anleggsfagarbeidar eller asfaltør
• anleggsgartnar eller anleggsmaskinførar
• målar, murar, tømrar eller røyrleggjar
• stillasbyggjar, taktekkjar eller blekkslagar
• snikkar eller glasfagarbeidar
  Sjå alle yrke og kompetansar

Arbeidsstader

• offentleg eller privat verksemd
• større eller mindre handverksbedrifter
• industri- eller entreprenørbedrifter

Vidare utdanning

Yrkesfagleg opplæring fører fram til yrkeskompetanse (med eller utan fag- eller sveinebrev). Etter fullført yrkesfagleg opplæring kan du gå ut i arbeid eller ta vidare utdanning:

• Du kan ta vidare utdanning på fagskole. Ei fagskoleutdanning er ei kort og yrkesretta vidareutdanning som er berekna på dei som har gått yrkesfag.
• Du kan ta meisterbrev dersom du har fag- eller sveinebrev i eit fag som ligg under meisterbrevordninga, og dersom du har nok praksiserfaring. Meisterutdanninga kvalifiserer deg til ei leiar- eller mellomleiarstilling på fagområdet ditt, og ho gjev deg kompetanse til at du kan starte di eiga bedrift.
• Vg3 påbygging til generell studiekompetanse
  - etter Vg2 eller
  - etter oppnådd yrkeskompetanse
  Då har du moglegheit til å ta høgare utdanning ved høgskole eller universitet. Hugs at nokre studium, f.eks. ingeniør-, realfags- og medisinske studium, føreset at du har visse realfag.
• Du kan også søkje opptak til høgare utdanning etter forkurs eller gjennom Y-vegen, yrkesfagleg veg til høgare utdanning. Y-vegen er berekna på deg som har relevant yrkeskompetanse. Forkurs og Y-vegen er vanlegast innan realfags- og ingeniørstudium.