Elevtenester

Ørsta vidaregåande skule tilbyr ein styrka og utvida elevteneste i tillegg til skulen sine rådgivarar i samarbeid med Ørsta kommune. Skulen har over år utvikla eit godt samarbeid med teneste for psykisk helse og rustenesta i Ørsta kommune. Om elevar ønsker kontakt med tenesta kan dei ta kontakt med kontaktlærar eller ein rådgivar så formidlar vi vidare kontakt. Tenestene bistår skulen med kompetanse og er tilgjengelege for elevane etter avtale. Tenestene kan om nødvendig tilvise vidare til spesialisttenester.

Skulen har helsesjukepleiar lokalisert på skulen. Helsesjukepleiar Jan Erik Hestholm er tilstade torsdagar frå 1000-1300. Han har drop-in, men du kan også tinge time på sms: 90 07 53 16. Helsesjukepleiar kan henvise til kommunepsykolog, og kan bistå i høve kommunale tenester.

Kommunepsykolog Melinda Garden er inne på skulen på systemnivå/rettleiing til personale i vanskelege saker, ein tysdag i månaden.

Du kan avtale møter med NAV ved å ringe/sende sms til Anne Selvåg Brudevoll på: 41 39 47 19/ Hilde Røyset på: 46 74 50 48.

Skulen har eige IKT-kontor i administrasjonen på A-bygg, der du kan få bistand til din elev-PC

Den samla elevtenesta ved skulen har eit særskilt fokus på elevane si psykiske helse, trivsel og fagleg, samt å gi rettleiing i høve sosialpedagogiske spørsmål, yrkesrettleiing, og skal bistå i høve utplassering/ kontakt med bedrift, opplæringskontrakt og læreplass ilag med kontaktlærar. 

Skulen har eigen rådgivar som bistår våre elevar med anna morsmål i høve tilrettelegging i skulekvardagen, oppfølging i høve søknadsprosessen, og som har kontakt med samarbeidspartar utafor skulen.

Skulen har eit godt tilbod til elevar som treng tilpassa opplæring og spesialundervisning. Team for tilpassa opplæring og spesialundervisning har ansvaret for å hjelpe læraren og elevane i høve dette. Målet er at alle skal kunne lære godt i alle klasserom uansett kva utfordringar dei har.

Skulen har miljøarbeidar som samarbeider med elevtenesta, lærarar og kontaktlærarar. Miljøarbeidaren er tett på i skulemiljøet, og følgjer opp elevar som har behov for ekstra og særskilt støtte for å greie skulekvardagen. Miljøarbeidar har ansvar for eit sosialt treff for skulen sine elevar tysdagar frå klokka 13.30 til klokka 15.30 på D-bygget. Godt samvær, god prat, enkle aktivitetar, og eit lite måltid er ein del av tilbodet.

Ørsta vidaregåande skule har eigen rådgivar i høve karriereveg og formidling til læreplass for alle programområde. Rådgivar har medansvar for utplassering og kontakt med bedrifter, opplæringskontrakt, læreplass i lag med kontaktlærar/faglærar i YFF.

Oppfølgingstenesta (OT) for Møre og Romsdal er lokalisert på Ørsta vidaregåande skule. OT arbeider med unge som ikkje har skuletilbod, inntil dei er 21 år. OT tek kontakt med ungdomen for å følgje opp, gi tilbod om t.d. I ung, støtte i høve kontakt med NAV, eller bistå med andre aktivitetar. Denne rådgjevaren koordinerer sosialpedagogisk team på skulen, og har særskilt ansvar for fagfeltet psykisk helse på skulen, og medansvar i høve oppstart av fokus grupper etter IKO-modell (Identifisering, kartlegging, oppfølging) gjennom fokusmøte som er eleven sitt faste samarbeidsmøte ca kvar 5.veke. Samarbeidet skal ha fokus på oppmøte, sosialt og fagleg.

Sosialpedagogisk team

Leiar - Ann Turid Andersen Egset er OT rådgivar/rådgivar/koordinator for sosialpedagogisk team, og koordineringsansvar for fagfeltet psykisk helse

Rådgivar Margun Vartdal Romestrand

Miljøarbeidar Rune Homlong

Dei spesialpedagogiske rådgjevarane på skulen

Anne-Mette Sætre er leiar i teamet for tilpassa opplæring og spesialundervisning.

Spesialpedagogisk rådgjevar Tone Hoggen Foldal

Helsesjukepleiar Jan Erik Hestholm

Verneombod May Brit Roseth